政情：上任年半唔熟議規 林順潮發言離題

當草案二讀通過後，立法會隨即進入全體委員會審議階段，即議員應就草案相關修訂內容發言，而非討論法案嘅整體優劣及原則。不過，林順潮發言期間，竟依舊講番自己對條例草案嘅意見，提到「區議會係特區政府履行地區事務嘅重要節點之一，喺修例風波期間，區議會被反中亂港勢力利用，導致若干職能喪失，民生福祉被不斷政治化，這一切反映區議會制度存在漏洞……」。

其時，立法會主席梁君彥出聲叫停，指「全委會係審議修訂，請你就修訂上發言，好嗎？」林聞言隨即啞口，低頭再照稿讀多廿秒，重申支持草案後匆匆結束發言，似乎亂了方寸。