政情：關注急彎易釀車禍 楊哲安開口中

話說當日嘅會議，Jeremy提出經常有車輛於馬己仙峽道彎位位置轉彎時「過線」而造成危險或短暫阻塞，質詢有關部門能否改善該彎位位置以保障駕駛者安全。對於意外嘅發生，Jeremy話相信有關部門並非漠視佢嘅意見，可能係初步研究都未完成，估唔到咁快就出事啫。佢話事發地點本身係有防撞欄，不過就比較矮，其實當局已經迅速補番個防撞欄。

為免該路段再生意外，Jeremy話會繼續跟進、向政府了解情況，譬如要求部門喺該位置加強防撞欄及防滑措施，最好係擴闊行車線，令個彎冇咁急，同埋畀司機可以睇得清楚啲，畢竟車輛落山彎位要安全，關鍵係減低車速。