政情：大開榴槤派對 林健鋒食唔停嘴

話說林健鋒有一位老友David，同馬來西亞駐港總領事Muzambli Markam合辦「榴槤之夜」，佢當然唔會錯過，見現場堆放近百顆「黑刺」、「貓山王」同埋其他品種嘅榴槤，以及有「果后」之稱嘅山竹，即開即食，味甜濃厚。配合埋椰水，大家都食得不亦樂乎，相當過癮。

正所謂「出處不如聚處」，林健鋒話俗稱「果王」嘅榴槤，香港每年從外國進口嘅數量驚人，市面上可購得嘅榴槤品種繁多，兼且又平又靚，反映香港有唔少「果王」嘅捧場客，依家連內地遊客都識得去「榴槤街」掃貨，可見香港入口水果嘅質量係有口碑。