政情：學生立會講故事 精彩過代議士

出席演講活動嘅議員，仲有鄧家彪同鄧飛。事後鄧家彪喺社交平台上載相片，可見梁毓偉笑到前仰後合、鄧家彪同鄧飛亦都不禁莞爾，可見同學演講說故事嘅精彩程度。梁毓偉憶述自己讀小學曾參與英文朗誦比賽，但由於準備不足，所獲嘅分數竟創下該小學嘅新低。梁又話自己雖然唔係演講專家，但佢發現講說話慢一啲，對方能理解更多。佢又話好喜歡學生將演講內容連繫到日常生活，就好似佢拉票時，要提到自己關注嘅事要同市民有關。

鄧飛亦都主張同學要講慢一啲，又建議內容唔好牽涉太多論點，否則聽眾難以吸收，反而應以引人注目嘅標題，配合情理之中、意料之外嘅演繹。鄧飛又以自己選舉經歷為例，話礙於匯報時間好短，所以選舉政綱只得3條咁話。