政情：小店雪條「花」心機 葉建源讚驚喜

葉建源喺社交平台上載相片，形容自己手上嘅「紅球薑百香果雪條」係手工製造、非常漂亮，簡直係精心製作嘅藝術品，入口前可以欣賞，入口後美味冰涼！而雪條上端嘅淡紫色花係馬蘭頭，下端黃色係百香果，材料全屬真花、真草，兼且係自家種植，佢話估唔到荔枝窩嘅客家古村，竟然都有呢種消暑妙品喎。

至於咁靚嘅花花雪條，葉建源話仲有其他款式可以選擇。佢話食完雪條，再幫襯一樽鮮果茶，然後同店主吹吓水，咁就一次過滿足3個欲望！有網民留言表示羨慕，事關若非去到話賣晒，就係遇啱小店冇開門。