政情：討論核污水 梁君彥阻何俊賢插嘴

話說議員陳凱欣發言，認為港府近年額外購買嘅檢測儀器同消耗品，所花嘅公帑不如改為幫助食肆或漁民，環境及生態局局長謝展寰回應話「檢測不單止針對日本」，重申管制並無定下界線。當梁君彥按照會議流程準備邀下一位議員提出質詢，未獲點名發言嘅何俊賢突然開聲，指有規程問題。

梁君彥眉頭一皺，反問「有咩規程問題？」何俊賢就話陳凱欣「慳番啲錢幫本地產業」嘅提問，謝展寰並冇回答，要求當局「澄清」咁話，不過梁君彥隨即「落閘」，話「呢個唔係你跟進嘅問題，你可以一陣再問。」可惜跟住發言嘅幾位議員都用盡本身嘅時間，無形中擠去何俊賢發問嘅餘地，連帶亦失去要求當局澄清嘅機會。