昔日東方政情：泰國踢波買藥膏 陳沛然解說滔滔
出門外遊，少不免都會買啲當地特產。自稱正職係「足球員」嘅前醫學界議員陳沛然現身處泰國芭堤雅，儘管此行嘅目的係踢波，但綠茵場上較量之餘，佢都有聽朋友嘅介紹，購買當地一種好著名嘅藥膏，據講針對肌肉疼痛卓有療效咁話，跟住又做番佢話係興趣嘅醫生，而喺細閱藥物成分時竟另有發現。
特別留意急救設施
陳沛然喺社交平台貼文，話見到藥膏標明內含「甲基水楊酸」同「薄荷醇」，正正就係「複方冬青油軟膏」呢種香港醫院管理局「名物」嘅主要成分，分別只係前者嘅「薄荷醇」嘅含量較高同埋添加丁香油而已，所以皮膚會感覺好似揮發多啲咁，同埋氣味有啲唔同咁啫！佢強調要學識藥物成分，而有時候自我感覺良好同安慰劑效果，亦佔相當分量喎。
講番今次去芭堤雅踢波，佢先係獨自搭飛機去曼谷，然後喺曼谷機場會合隊友再搭車去芭堤雅。喺機場等候期間，佢特別留意裏面嘅醫院同埋AED機（自動體外心臟除顫器）等急救設施。呢啲係咪職業病呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
