政情：冇化妝兼戴罩都認到鄧飛 的哥眼利

佢話星期日要畀助理休息，所以惟有自己叫Uber taxi去錄製現場。雖然係去拍節目，但佢話冇「化妝」，又戴埋口罩，原本以為冇人認得，點知司機就認得佢，仲好窩心咁叫佢星期日開工都要多多保重喎。

咁究竟佢拍咩節目？原來係關於最近俄羅斯局勢動盪嘅事宜，作為曾經教授中文、歷史同通識科嘅鄧飛就覺得，普及歷史教育係「非常非常重要」，拍攝過程中氛圍都十分友好，唔怪得之雖然星期日要開工，佢都話「工作之中，充滿歡聲笑語」啦！