政情：東莞摘荔枝 梁毓偉「砸」死牛

「砸死牛」？真㗎，但唔係牛，係荔枝其中一個品種。梁毓偉話民間俗稱「砸死牛」其實叫紅繡球，坊間傳言大到可以砸死牛，所以就有呢個花名，一粒已經等於普通荔枝3粒啦！睇嚟真係啖啖肉。

東莞嘅荔枝好出名，梁毓偉話當然去體驗吓，聽專家介紹點樣保育、進行品種改良、培養新品種等等，佢話東莞一直堅持科技興農，推動荔枝產業高質量發展，所以大家先食到又甜又多汁嘅荔枝。

佢話由於當地嘅義工隊同香港嘅關愛隊有相似之處，所以青年朋友喺做義工之餘，亦都可以借鑑學習點樣組織同運作一支義工隊，佢希望班青年朋友可以將經驗帶返香港。