政情：陳淑莊 台灣大快朵頤 港事掟埋一邊

話說有網民喺社交平台貼文，話為曾在港少數族裔爭取權益嘅融樂會前總幹事王惠芬（Fermi）日前由英國飛抵台北，而佢同陳淑莊會面，見社交平台上載嘅相，佢同陳淑莊飲緊白酒，Fermi已飲到臉紅紅，而陳淑莊似係素顏現身，兩人都笑容滿臉。

由於Fermi抵台時抽中咗自由行嘅消費金，贏得5,000元台幣即約1,200港元嘅消費金，金額存入台灣悠遊卡。可能係太開心，Fermi之後飲咖啡同去酒吧都爭住畀錢，話佢抽中悠遊卡，而爭住請客嘅陳淑莊就勸佢慢慢用。可能因為悠遊卡，部分網民熱論起香港打擊濫用2蚊乘車優惠事宜，亦有網民留言「每當見到好多可以安身而退嘅人，今天竟然可以靜如深海，粒聲都冇，只講飲講食，就為在監獄的人不值。」繼而就掀起爭論。

身兼大律師嘅陳淑莊喺2014年佔領運動期間，涉及「煽惑公眾妨擾」同「煽惑他人煽惑公眾妨擾」罪成，喺候判期間發現左腦有腫瘤，法官最終將她判囚8個月但准緩刑兩年。大律師公會喺今年4月下旬向會員發出通告，指大律師紀律審裁組裁定其行為或致大律師職業名聲受損，已下令譴責陳淑莊，陳已向大律師公會支付14萬元訟費。