政情：幫襯上海理髮舖 蕭偉強讚好

上海理髮店嘅老師傅手藝，確係有斤両。勞工及福利局前局長蕭偉強喺社交平台上載自己理髮前後嘅相片，貼文大讚前運輸及房屋局副局長邱誠武（邱武）介紹嘅上海理髮店，服務令人滿意。而佢踏入呢間上海理髮店之前就已經投以信心一票，事關唔止邱武，聽講話連前環境局局長黃錦星都喺度理髮，話鑑於佢哋啲頭髮生來不易，條條都咁珍貴亦可處理到，可見呢度嘅師傅應該有真功夫咁話。