政情：遇後生仔提問即答 管牧想做唐老鴨

其實叫得管牧上去又點會淨傾吓偈咁簡單，原來班後生仔仲整咗啲問題考佢，仲要唔准諗即刻答！當中有問到「最想化身甚麼卡通人物呢？」，佢當時就答話最想化身成「唐老鴨」，因為曾經有人講過佢好似「唐老鴨」，加上自己都相當鍾意「唐老鴨」喎。

亦有人問佢「想肥但靚仔、定Fit但樣衰?」，佢當時就即刻答「寧願Fit但樣衰，都唔要肥」，本報就問佢心目中「肥」嘅標準，佢就話其實「冇乜特別標準」嘅，不過啲問題嚟得太過突然，自己冇時間準備，所以臨場爆肚啫。佢話同後生仔傾偈要輕鬆啲，多溝通、多了解先可以達致社會融和。