政情：立會擴建不停站 裝樑柱樓板

呢個工程會影響立法會一樓到10樓，其中一樓同1M就會喺呢個星期中後段進行；二樓會喺7月中旬；3樓會喺8月上旬；4樓會喺9月上旬；至於5樓至10樓就話會適時預告。每層嘅工程需時一個月，承建商話工程期間，接連三角形區域嘅辦公室預計會有若干聲響。

雖然工程要全日進行，但幸好立法會大會喺7月12日之後休會，即是話趁住暑假期間施工。當立法會喺10月18日復會，估計到時4樓嘅工程都應該告一段落啦，但5至10樓嘅工程則未知幾時開始，有幾嘈都係要到時先至知。