笑看天下：客觀環境不容兩國修好

中美關係現階段充其量只能不變壞，距離變好仍有很大距離。呢，美方曾喺會上提議建立軍事溝通渠道，盡可能減低兩軍爆發衝突嘅風險，中方卻表示不同意。另一方面，台灣問題依然敏感，中方一直表示台灣問題係中國核心利益中的核心，係中美關係最大問題。之不過，對於台灣問題，布林肯也只是強調外交嘅重要性，並在所有問題上保持開放嘅溝通管道，減少誤解和誤判風險。美國國務院對台灣問題則採鴕鳥政策，隻字不提當冇事發生，可見於台灣問題上彼此難有乜嘢共識。

習近平主席就中美關係，其中一點最新表態就係：「中國尊重美國的利益，不會挑戰和取代美國；美國要尊重中國，不要損害中國的正當權益。任何一方都不能按照自己的意願塑造對方及剝奪對方正當發展權利。」美國看來連這點都難做到，一味在台海攪局。就是在「按照自己的意願」剝奪中方嘅正當發展權利！

另一方面，拜登已開始投入爭取連任嘅選舉工程，面對國內民生經濟問題一大堆，淨係過去嘅長周末，多個地方發生槍擊，至少6人死亡，包括一名賓夕凡尼亞州州警，看來佢又要忙於喺白宮下半旗！再講吖！要競選美國總統，候選人對華政策不可能不強硬，喺「形勢比人強下」，拜登有乜可能會對「中國威脅論」拋諸腦後？中國務實，還是埋頭發展民生經濟才是硬道理！