政情：陸靈中遇電騙 講到下一步突斷線

陸靈中尋日喺社交平台貼文，話前日（19日）收到5618字頭嘅語音來電，指佢第二期電子消費券資格被取消，但講到下一步嘅指示就突然斷咗線。起初佢猜測，係唔係政府委託機構進行有關消費券嘅抽查？於是尋日就致電消費券熱線185000查詢，對方就話冇呢個電話。

好明顯，陸靈中前日收到嘅來電係有詐騙企圖。佢話自己雖無統計數字，但感覺近年嘅電話詐騙的確係多咗，亦有街坊不幸中招。佢呼籲市民小心啲，以免失財或洩露個人資料。