政情：被盜用身份網上留言 李世榮周文港受禍連

李世榮話本來都唔知有呢件事，係有人轉寄畀佢睇先知，佢話呢啲嘢由佢把口講真係講都冇人信，叫人唔好用海外網絡嚟冒認自己，仲話「夠膽做就應該要夠膽承認責任」，而佢亦同執法部門講咗呢件事。另一個畀人冒認嘅周文港亦話呢件事，「完全係冒名頂替、污衊行為」，佢話已經通知咗政府部門，要求進行執法行動。

被冒認嘅唔單止呢幾位，仲有鄧飛，只不過騙徒就將鄧飛嘅名寫咗做「飛鄧」，估計應該係同中英文姓氏放先後次序有關。