政情：操作電動可移動工具 強制上課 陳學鋒力推

議員陳學鋒尋日出席立法會交通事務委員會，期間就提到政府雖有守則畀市民學習，但其實並唔足夠，事關「可睇可唔睇，其實佢都喺交通道路上使用緊」，又指「數據都顯示用呢啲設施其實係有死亡個案發生。」佢要求政府強制駕駛者必須上課或睇帶先可以使用電動可移動工具，當局就回應會與地區及專業團體夥拍開班上課。

政府早喺2021年就曾於將軍澳及白石做過試驗，今年3月亦於相關單車徑推行共享電動輔助單車嘅計劃，進展順利，唔知將來會唔會有更多人使用電動移動車嘞。