政情：開位搞北都鐵路 田北辰憂一鑊泡

為配合北部都會區鐵路嘅發展，政府提出開設3個首長級編外職位，以及重行調配一個首長級常額職位，以成立北部都會區鐵路辦事處。由於人事編制小組之前唔建議財委會進一步討論，所以財委會尋日直接就議程投票，議員田北辰要求記名投票，最終項目72個議員贊成、兩個反對、兩個棄權，田北辰話喺冇成立鐵路處嘅情況下，加上港鐵前科又好多，擔心到時「鑊大到不可想像」。