政情：離任港鐵管理層 江玉歡專注議會

江玉歡尋日（14日）透露自己已經向港鐵請辭，並就離職安排而商討中。而佢之所以要辭職，係希望時間安排上有更大嘅自由度，仲話自己嘅議員任期剩番兩年半，冀有更多時間同心力放喺立法會度。

至於佢是否礙於同港鐵嘅賓主關係，而唔能夠暢所欲言？江玉歡話絕對唔係，佢話港鐵其實有好大嘅自由度，之不過「人各有志」，所以先有「轉跑道」嘅決定。佢強調同港鐵並冇不愉快嘅事發生，仲好多謝港鐵過去一年畀咗好多機會佢。