昔日東方政情：為中國女排打氣 劉國勳有驚喜
疫後復常，體育盛事陸續復辦。世界女排聯賽香港站前晚（13日）喺紅磡體育館揭開戰幔，首戰戲碼係國家隊對戰加拿大。議員劉國勳入場為心儀球隊打氣，仲要坐喺最前排嘅動感位置，結果遇上驚喜，因為國家隊前隊長、奧運金牌得主魏秋月就坐喺佢旁邊！而今次仲係相隔4、5年，劉同魏兩人再次碰頭，真係有緣！
見到女排偶像魏秋月
事後劉國勳摷番佢同魏秋月以前嘅舊相同前晚嘅合照對比，兩人嘅容貌不但無咩大改變，劉國勳仲話對方好似愈來愈年輕添！講起女排，劉國勳嘅心水當然係國家隊啦，佢留意到今次國家隊嘅球員陣容有所調整，除咗隊長袁心玥、龔翔宇、李盈瑩等熟悉嘅臉孔，亦有唔少新人加入，但相信中國女排嘅精神同力量一定不變。
到底劉國勳有幾咁熱愛睇女排呢？佢話曾經8號風球警告甫取消，就立即趕到體育館捧場。佢又話觀賞排球賽事，都要睇住排球嘅方向，慎防「食波餅」咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
