政情：推陳出新 入境處造福市民 奪多獎更振奮

睇番資料，「登機易」係一項自助生物特徵識別系統。透過「登機易」，旅客喺香港國際機場出境，只需要簡單咁喺唔同檢查站展示容貌，就可以核實身份，由辦理登記同行李託運手續，以至保安檢查同登機，都唔使重複出示旅行證件及登機證，過程輕鬆。至於「登機易e-道」服務，係畀合資格香港居民喺機場離境嘅時候，享有更便捷嘅出境檢查服務，合資格嘅香港居民只需要透過容貌識別技術，進入「登機易e-道」同完成自助出境檢查手續。