田北辰倡欣澳建賽車場 推動創科達雙贏

話說田北辰（田二少）日前去咗數碼港，出席第66屆體育節同第5屆香港賽車運動節。見到現場有4名賽車運動員一齊玩咗個電競賽車表演賽，本來田二少都躍躍欲試，但見到揸開賽車嘅運動員都要啲時間熱熱身，佢就有啲卻步，於是去試玩一個未見過嘅模擬賽車。呢款遊戲嘅模擬器可以實時控制一部模型細車喺跑道飛馳，所以好受大人同細路歡迎。田二少直呼真實過跑賽場嘅賽車，不禁感慨科學日新月異，隔一陣就會推出新科技。

講到起賽車場，田二少並冇放棄到。佢話喺欣澳起賽車場既可吸引旅客，又可以推動賽車同創科產業。佢提到同政府官員食飯嘅時候，都極力督促班官再諗諗，事關一味掛住搞住宅用地而唔發展商業用地唔係長遠辦法，亦希望業界可以多啲出聲，一齊令美夢成真。