政情：「塑」走龍鼓灘 陸頌雄嘆災難

陸頌雄參加一項清潔海灘嘅義工活動，因地理原因，龍鼓灘嘅污染相對嚴重，但陸頌雄話起初驟眼睇，海灘嘅垃圾唔多，但低頭細察之下，就會見到好多發泡膠碎片，尤其是藏喺海灘嘅各處隱蔽地方，而有部分發泡膠碎片已經化成好微細嘅碎粒。烈日之下，戴上勞工手套嘅陸頌雄，即使配備工具亦往往要俯身清理，先至可以將散布海灘各處嘅發泡膠碎片，逐一移入垃圾膠袋。

儘管政府禁止食肆提供發泡膠餐具，但陸頌雄認為措施未足以保護環境，佢主張進一步推動徹底禁止使用發泡膠，作為任何包裝或盛載用具。