政情：青年睇重考試 劉仲恒：眼光闊啲

劉仲恒話能夠入讀醫學、法律、金融等「神科」，當然值得高興，不過收生嘅門檻好高，要獲得取錄難免面對考試壓力，然而一旦失手，入唔到「神科」都毋須悲觀，畢竟職場都係講供求，社會上仲有好多具發展前景嘅職業，譬如同建造或工程相關嘅行業，待遇都算唔錯，況且有職專課程，為投身行業提供渠道。

要選擇適合自己嘅行業，劉仲恒話明白年輕人需要實習嘅機會，而佢作為青發會青年全人發展行動小組嘅成員，會幫手構思一啲暑假活動，如組團參觀內地嘅大型企業，等年輕人見識一下邊種工作最迎合自己嘅志向。