昔日東方政情：立會觀賞黃鴨 議員爭相打卡
巨型黃色橡皮鴨相隔10年再訪港，兩隻18米高嘅黃鴨駐立喺添馬公園對開維港海面，沿岸唔少商廈都能夠觀賞到兩隻黃色橡皮鴨。立法會內唔少議員，即使身在辦公室亦可觀看鴨蹤，紛紛同黃鴨影相打卡。
添馬公園對開海面駐立
主席梁君彥就指，兩隻橡皮鴨「孖住」暢遊維港，非常醒目可愛，好似對住立法會及專程嚟觀賞嘅市民打招呼。相信未來兩個禮拜嘅展出期，立法會附近嘅添馬公園同中西區海濱長廊，有唔少市民前來打卡，為炎炎夏日留下快樂回憶。又話橡皮鴨再臨香江，相信可帶來正能量同歡欣，希望大家臉上都重現笑容，為社會同經濟注入動力。
議員李鎮強與黃鴨大玩自拍，更同黨友邵家輝與黃鴨合照。邵感嘆話喚起唔少童年回憶；議員梁美芬則特登拎住喺茂名考察時買嘅兩隻小黃鴨胸針，與黃色橡皮鴨隔空合照。議員林素蔚則同梁文廣與鴨合照，話順應潮流，要打張卡先，而佢哋A4聯盟都齊人啦，只係有兩個變咗身，即係議員楊永杰及張欣宇化身做小黃鴨？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
