巨型黃鴨打孖出航父親節暢泳維港

【本報訊】巨型黃色「橡皮鴨」（Rubber Duck）相隔10年打孖重現維港，昨日進行啟航禮，吸引大批市民在灣仔一帶海旁爭相打卡留念。黃鴨會在金鐘添馬公園對開維港海面展出，展期預計為兩周，主辦方指出，黃鴨在父親節當日會沿維港海旁暢泳來回銅鑼灣及尖沙咀，有別於以往定點靜態展覽。

今次是繼2013年後，橡皮鴨再度訪港。有市民昨特意到尖沙咀星光大道一睹黃鴨風采，並手持黃鴨氣球爭相「打卡」，不少攝影發燒友亦帶齊「架生」到場，務求拍攝到兩隻難得「孖咇」出巡的黃鴨英姿。現場天氣炎熱，有人亦撐起雨傘遮擋太陽，但仍無阻他們觀賞，黃鴨身旁有多個橙色浮泡，相信是提醒其他海面船隻，小心撞及黃鴨。

此外，為配合展出，港鐵在金鐘站設主題車站，於車站內布置各橡皮鴨的裝飾及布置，港鐵方面亦會加派人手，維持秩序。