政情：結識籃球中鋒 梁熙硬銷高才通

原來呢位「高人」係國家男子籃球職業聯賽（CBA）球員鍾豪，目前效力於浙江廣廈猛獅俱樂部，係有名嘅籃球中鋒，其父母都係籃球員，簡直係籃球世家，而2.12米嘅身高不但鶴立雞群，同梁熙拍埋影相仲唔止高出一個頭添！話佢符合「高才通」當中「高」嘅條件，應該都無異議啦！

梁熙話嚟香港旅遊嘅鍾豪，對香港嘅印象好好，事關自細就睇好多港產電視劇，咁就難怪佢對香港有親切感、有特殊情懷啦，佢仲話非常欣賞香港嘅制度。而梁熙都把握機會，話非常歡迎高質素人才來港發展、開拓事業，希望佢成為香港人才庫嘅一員。