昔日東方政情：梁栢賢興趣多變 乒乓高球麻雀都掂
年輕人要及早做好生涯規劃，中年人就要做好退休計劃。好似醫院管理局前行政總裁梁栢賢（PY），可能早就係「球王」，幾乎所有球類運動都啱，難怪佢話依家每日都好忙碌呀！
話時話，PY喺退休後愛上乒乓，花咗好多時間去練波，早排見佢喺社交平台上載咗張相，由大板變咗打細板，仲話乒乓波學海無涯，好多變化，要精益求精，仲話依家在練細板都係一大樂趣！睇過網友留言先知，原來細板其實係練擊球點。
學有所成 明日出戰
到咗尋日，佢又轉咗款嘞！事關尋日輪到練高爾夫球，話雖然身水身汗，但係都好開心，今日就會輪到練桌球啦！
嘩！真係一日玩一種球類運動？有網友仲約佢去打羽毛球，另有網友突然彈咗句出嚟，問「幾時練打麻將？」PY竟然自爆話退休後學識打台灣牌，已經學有所成，聽日下晝就出戰，同高手打嘞！有網友隨即話：「奧運有射擊，打麻雀」。唔知係咪寸佢呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
