政情：刪減條文編號穿窿 當局話慣常舉動

葉劉都話自己嘅問題「好簡單」，甚至「可能好白癡」，佢唔明白點解條文刪咗嘅時候，新增嘅條文唔可以「renumber（重新編號）」番刪除咗嘅條文編號？當局就回應話呢個係慣常做法，但葉劉就質疑咁咪所有條文都有個「窿」，仲話「我信住你先，得閒再查吓」咁話。

其實葉劉咁問都唔係冇理由，因為佢覺得咁樣做唔理想，市民會有疑惑點解睇睇吓會有個窿、斷斷續續，草案委員會主席廖長江都話，雖然自己睇過好多呢啲窿，但其實都唔理解喎。