政情：着高跟鞋做水喉工 郭玲麗嗌輕鬆

原來Lillian曾為業界構思職專教育課程，冀向年輕人推廣並招攬入行。佢相信將來從事水喉專業唔會限於性別，畢竟水喉物料同工具都有所改進，既減省重量又慳力，譬如當晚佢試用「喉管轆坑機」為喉管製作接駁位，就發現依家嘅食水喉已開始轉用304不銹鋼，較傳統嘅銅喉來得要輕，即使穿上高跟鞋，仍可輕鬆操作咁話。

Lillian又話有業界人士利用創科基金，研發可應用於廁所潔具嘅抗菌物料，儘管朝向產業化發展，惟不諳市場運作。

佢話會聯絡商務及經濟發展局，睇吓有無辦法設立平台，幫助本港研發嘅產品推出市場，同埋到海外展銷。