政情：加博彩稅交二讀 馬會游說做足

「回帶」至預算案公布之前，已經有政黨話要增加馬會博彩稅㗎啦，初時馬會對有關建議曾表示強烈保留，但後來有所讓步，其表現無疑係令人「驚喜」。畢竟一旦成立法案委員會，代議士好大機會提出收取年期更長、金額更高，甚至其他名堂嘅稅項。據了解，尋日舉行內會之前，馬會曾個別致電某啲議員，冀高抬貴手，唔好「乘勝狙擊」，避免成立法案委員會討論。

結果當內會主席問有冇議員建議要成立法案委員會時，全場一片寂靜、冇人舉手，內會主席宣布不成立法案委員會，《2023年博彩稅（修訂）條例草案》將去番立法會大會恢復二讀辯論，預計屆時唔會有任何阻撓，草案可順利三讀通過。