笑看天下：私心作祟 稟神冇句真

拜登宣布角逐連任前夕，美國民調顯示，多達70%受訪美國人認為佢唔應該競逐連任，主要係因為佢年紀大。分析指，相較於共和黨不少人齊心期盼特朗普回朝，拜登能團結民主黨選民嘅板斧唔多，只能沿用喺中期選舉出乎預期大勝策略，押注喺首個任期成功推行多個法案，包括保障墮胎權利，以及喺華盛頓逾50年從政經驗吸票。拜登若順利當選，展開第二任期時已82歲，完成任期時將達86歲。外界關注賀錦麗呢位副總統，期間大有可能代任總統，成為美國首位女總統，咁拜登雖然未能令「美國再偉大」，卻締造咗美國首位女總統，亦功垂美國史冊也。