議員北上讀書 話咁快畢業

作為今屆學員之一嘅議員郭偉强，尋日係Facebook上載多張自拍，以及與同屆同學嘅合照，包括有議員陸頌雄、勞工及福利局副局長何啟明等人，又寫到周日朝九晚五嘅上課，隨住完成最後一科課堂而落幕。勞工及福利局局長政治助理傅曉琳亦上載一張獨照，寫住「最後一天的實體課」，睇嚟課堂完結，大家都難掩興奮。

不過最後一堂課完結，唔代表已經順利畢業。郭偉强話係未來4個月，仲有一個海外培訓及畢業論文，先祝各位同學順利達陣咁話。