政情：細個家境唔好 朱國強連書枱都冇

朱國強尋日出席一教育活動，提到其實唔少成功人士細個都係冇好嘅學習環境，不過最終靠自己努力都可以有成就。佢透露自己童年嘅家境都唔好，細個讀書連張似樣嘅書枱都冇，要出去樓梯度溫書，更要返兼職。不過憑住自己後天努力以及對音樂同藝術嘅熱愛，最後就做到老師嘞！

其實朱國強嘅故事都算係擺脫跨代貧窮，而為咗處理跨代貧窮問題，政府都推出咗共創明天計劃，利用友師去幫助啲貧苦家庭。朱國強認為呢個計劃嘅概念幾好，但就希望友師可以上啲正向教育嘅課程，同多啲溝通技巧咁，畀學生有更好嘅體驗咁話。