政情：重返母校敍舊 黃錦星話女班長稀有

黃錦星所指嘅「稀有品種」，其實係女班長。佢話那些年讀理科都係男生居多，有女生入讀仲要做埋班長，喺以前嘅年代較為少見。唔知青春少艾嘅黃錦星，與女班長同窗讀書會否特別落力？但無論點都好，女班長都係跟番當年嘅座位，坐番前排。事後，黃錦星向母校送贈講述到偏遠山區服務嘅書籍，冀學弟學妹開拓視野，支持社會可持續發展。黃錦星又話多謝母校春風化雨，佢同舊同學都十分感恩。

喺重返中學母校之前，黃錦星先到訪去年遷入秀茂坪新校舍嘅一所中學，事關呢間學校嘅賴校長係佢當年預科班嘅同學。本業係環境建築師嘅黃錦星，大讚新校舍平實好用，內外設施多元令人眼前一亮，設計通爽通光環保令學生受惠。