政情：包山變掛畫不可取 政府袖手潑冷水

話說負責搭建大包山嘅承辦商，早前指人手不足而未能承接工程，長洲太平清醮值理會只有改為懸掛3幅大包山掛畫。陸瀚民話礙於人手唔夠以致冇咗3座大包山，實在十分無奈同可惜。佢話以政府嘅人力物力，可否唔用大型海報代替真包山？佢強調切勿畫餅充飢，亦都唔好令旅客再次失望。

文化體育及旅遊局局長楊潤雄話據佢所知，唔係咁多人懂得搭建3座咁高嘅包山，況且喺咁短嘅時間內，技術上似乎做唔到，至於政府可否搵人去做，佢話相信唔係咁容易，畢竟技術都係由嗰一班人掌握，佢又話就算今年做唔到，希望明年成功做得到喎。