政情：新政助祁志鴻 立會孖前老細出動

Keith同簡慧敏齊齊現身，Keith指多謝簡過去嘅教導、支持及鼓勵，簡則笑言係割愛，指支持鼓勵其實係鞭策，係少林寺嚟㗎！而局長搶人才都非常有誠意咁話。期間又見到該局前政助、議員陳凱欣，Keith隨即連叫幾聲師姐，但陳凱欣就教導第一招，話見到女士記得叫師妹喎！又提到呢段時間當局無政助，局方真係好忙碌，現時就有Keith嘅協助。

而Keith之前亦曾擔任議員林健鋒嘅助理長達10年，Keith話林不但帶住佢入行，對方更見證自己成家立室，現時育有3個仔女，Keith嘅太太亦係一位醫生，曾任職醫院管理局。