政情：管牧牽頭組平台 探討大灣區養老

管牧指新成立嘅組織不但係一個統籌平台，亦希望做到政策倡議，尤其關注長者議題，譬如安老服務。佢透露，社署同廣東省民政廳正研究緊大灣區養老先導計劃，包括探討是否以政府「買位」形式試行，希望首階段可以畀數百個長者北上，入住當地嘅安老院。而「心連心」早前亦聯同勞工及福利局局長孫玉菡去大灣區考察，到訪當地安老院。佢覺得以往跨境養老嘅困難主要係探訪同睇醫生嘅安排，但現時高鐵已經恢復開通，相信政府都會研究相關便利政策。

被問到台灣殺人案疑犯陳同佳嘅近況，管牧就話無咩更新，台灣現時繼續拒收陳同佳，或待明年初大選結束後，執政當局可能有變，屆時可能有相關嘅新安排，或影響陳同佳赴台時間表。