政情：啟德方艙仍丟空 議員促善用

就社區隔離設施嘅去向，政府早喺年初已經話會諗吓點用，仲委派財政司副司長黃偉綸去統籌，以及檢視隔離設施未來嘅安排，不過檢示咗幾個月，至今都未有進展。陳凱欣以沙士期間為例，話當時其實政府都有保留狀況較好嘅隔離設施，予康文署度假村備用，但備用期間仍可開放畀市民使用，一旦再爆疫情即恢復其隔離用途，覺得呢種方法比起依家咁樣丟空會更加好。

其實就方艙嘅問題社會一直都有好多討論，有人就覺得可以轉做簡約公屋之類嘅項目，但陳凱欣就認為呢個諗法唔適用喺啟德方艙醫院，始終嗰度附近都係郵輪碼頭，無理由喺嗰度附近起個「徙置區」咁話。