政情：中史書新不如舊 陳沛然搖頭

話說陳沛然喺街上分別遇到兩位網民，其中一位話好耐都冇見佢上載同女兒溫書嘅貼文。陳沛然解釋話自己近來忙於學習製作網絡視頻，但仍持續同女兒溫習，於是就應對方要求分享宋朝中史筆記，不過隔幾年就改版一次嘅中史書，佢話不論內容同排版，都係新不如舊。譬如北宋點樣滅亡、靖康之難，連岳飛北伐等重要史事，喺新版書都被刪減。

陳沛然又嫌新版中史書嘅內文排版、分段、顏色眼花繚亂，學生讀者難以理解以及找出重點。佢話畀錢買新書事小，質素下降、物非所值、影響學習事大。