政情：還押毛婆染流感 有白頭髮用手掹

去探望嘅前議員話毛婆喺「大棚」生活，同30人一齊工作，同10人一齊瞓覺，群體生活令佢認識世界嘅另一面，聽咗好多唔同嘅血肉故事。對於目前嘅鐵窗生涯，前議員引述佢話「前所未有地咁夠瞓，前所未有地睇咁多書」，呢刻係佢有生以來最有學問嘅時刻。

由於毛婆其中一個兒子長期喺法國生活，所以佢嘅法文都要急起直追，希望能夠更順暢咁同兒子以法文溝通，所以佢依家上晝學法文，下晝學英文，晚上學中文。