政情：細數公案著作 鄧飛力推偵探文學

鄧飛日前獲香港偵探總會委以榮譽職務。佢話有偵探總會，自然要有偵探遊戲同偵探小說。而據《晚清小說史》統計，晚清嘅外國翻譯小說有一半都係偵探小說。而喺新中國成立至到改革開放呢一段期間，偵探小說嘅翻譯同創作主要受到蘇聯嘅影響。佢話蘇聯文學嚴格區分偵探小說、冒險/驚險小說，同埋和反特（務）小說，儘管三者喺內容上高度相關。籠統而言，偵探小說針對一般刑事犯罪，反特小說則針對危害國家安全嘅罪行，亦即係「反間諜」。

時至今日，內地既有偵探文學雜誌，又有發行偵探文學嘅出版社，鄧飛認為推廣內地嘅偵探文學，亦係一種國情教育！話唔好到頭來，青年人只知道被神化嘅《錦衣衞》、以及純屬虛構嘅《六扇門》、《四大名捕》，而唔知到唐代狄仁傑、南宋嘅宋慈，以及今日嘅刑偵反特。