垂死掙扎泥紙鷹 乞英求美徒出醜

各位，漢奸黎當年得到老美寵幸，風騷到不得了，無視國安大法，以為有外來保護傘撐腰，狂言一旦入獄會係佢「人生巔峰」，上帝果然聽佢支笛喎！「一日一蘋果，日日洗廁所」！以衰翁之年勇闖人生巔峰，即使洗廁所洗到折翼斷爪，亦求仁得仁矣！

之但係，漢奸黎個仔黎崇恩卻死心不息，利用再審空檔，今年1月曾飛去英國國會，與國會議員會面，乞求英國首相辛偉誠立即採取行動畀佢老竇泥紙鷹獲釋喎！黎崇恩呢個「奸二代」當自己係乜水吖？英相霎時都唔知自己有「魔法」可以「變」隻泥紙鷹飛出赤柱鐵窗，只係話會繼續關注有關事件，並以實際行動跟進事態發展，仲堅稱英國有權介入香港事務云云。政客講嘢，通常笑笑口，一定幫唔到手，「奸二代」唔係咁都信啩？若然，以咁嘅智商，唔好話救唔到國安重犯嘅老爹，救隻烏蠅出屎坑都難喇！

好嘞！事隔多月，「奸二代」突然來個「反轉豬肚」，炮轟英國政府「虛偽」，指斥英國冇充分譴責香港對異議人士嘅鎮壓，亦無要求釋放其父泥紙鷹，並繼續與中國進行貿易！睇嚟「人一奸，腦就殘」！你老竇「為美國而戰」，做漢奸做到出面，未收監時就一味飛美英唱衰香港，善惡到頭終有報，依家折翼斷爪飛都飛唔起，你叫人點救啊？仲怪英國繼續同中國做生意！喂，醒吓啦「奸二代」，英國已非昔日之「日不落帝國」，而係「日已落窮國」，唔同中國貿易食西北風乎？認真霎戇！

好嘞！「奸二代」乞求英國自討沒趣，反轉豬肚後，日前喺美國華府出席一場關於香港人權嘅活動中，為乞憐美國救其父，竟狂踩英國政府「非常軟弱」，表示「看到一個民主政府害怕，甚至需要請求為一名因言論自由而入獄的公民發言」，形容「令人難過」！你難過冇問題，之不過唔好扭曲事實，你老竇反中亂港，勾結外國勢力鐵證如山，係天主教徒又如何？又廢噏梵蒂岡冇為漢奸黎挺身而出，一面狂妄無知一面搖着尾說美國喺呢啲問題上「更加強大」！「奸二代」救父心切，盲衝亂撞，又睇唔到時易世變，美國都要想方設法求見中國；功夫茶相信佢又要再反多一次豬肚，醜完一次再醜多一次！口痕友就話，豈非係太監逛青樓，青樓女子見到都發愁！正一瘟神，搞搞震冇幫襯！