政情：冬奧園區走轉 鄭泳舜圓心願

鄭泳舜話今次參觀國家高山滑雪中心同雪車雪橇中心等設施，又入住北京冬奧村。佢話冬奧賽事完結後，其「遺產」都得到充分運用，譬如冬奧村改做酒店，體育場地開放畀市民使用，令大家都可以感受到冬奧體驗之餘，同時亦將體育、文化同旅遊結合，促進「後奧運」經濟發展，值得香港借鑑。

鑑於2025年香港會同澳門及廣東合辦第15屆全運會，鄭泳舜期望當局盡早規劃運動員嘅居住安排，建議考慮善用啟德隔離設施做「選手村」，並借鏡冬奧賽後經驗，開放園區設施畀市民使用。