政情：示範提神絕技 陸頌雄餐叉拮大髀

到底係乜嘢招數咁奏效呢？原來佢係倣效成語「懸樑刺股」，搵支餐叉拮大髀，咁就肯定醒神啦！雖然佢係諧趣演繹，不過短片同時亦邀來業內人士，話去洗手間洗臉，飲杯濃茶、咖啡，又或者聽吓收音機，先至係常用嘅做法。畢竟負責樓宇保安，即使夜闌人靜，都要解決住客查詢或投訴，甚至有人困(車立)嘅問題，真係要打醒十二分精神㗎。

除咗講通宵更，陸頌雄所飾演嘅保安員，喺短片內都有深夜獨自巡樓，以及面對訪客刁難嘅情節。儘管劇情純屬虛構，但佢維肖維妙嘅演技，又的確將保安員嘅辛酸演繹得入木三分。