政情：住所遇竊 鄧家彪淡定話冇事

尋日凌晨3時47分，大埔梅樹坑路8號帝欣苑有住戶報案稱發現可疑男子，其後逃去無蹤。而鄧家彪就發現寓所花園玻璃門被打開，及有搜掠痕迹，經點算發現失去一張銀行卡及約500蚊現金。執法部門將案列作「爆竊」，正追緝身穿黑色上衣、深色褲及黑色鴨舌帽嘅男子。

鄧家彪尋日朝早喺屋苑外回應傳媒查詢，語帶輕鬆咁話「冇事冇事，個人冇事。」佢話屋苑平日和諧安全，大門關閉但就冇上鎖，估唔到會發生入屋爆竊案，對事件感到驚訝，日後會加裝閉路電視及防盜感應器等設備，並同管理處商討屋苑保安，希望賊人盡快落網。