昔日東方政情：林琳懷孕30周 渾身痕癢感擔憂
婦女懷孕期間經常出現不適，而懷孕已屆30周嘅議員林琳，近日身體多處出疹痕癢，一度以為患上ICP，好彩只係虛驚一場，現時中西醫並用，盼可紓緩不適。
所謂ICP，即係妊娠期肝內膽淤積症。林琳話部分孕婦懷胎28至30周，其賀爾蒙達到最高點時就會出現有關情況，包括起疹或皮膚痕癢等徵狀，病情嚴重會相當危險，可能35周就要剖腹，提早產子。
虛驚一場 中西醫並用
至於林琳嘅情況，就係上周五開始痕癢，之後覺得愈嚟愈唔對路，於是周一就到醫院驗血，前日確認唔係ICP。而皮膚科醫生都開咗啲類固醇藥畀佢，但尋日凌晨仍然痕醒，然而藥已經搽完，惟有再次去問醫生拎多啲藥。
林琳話痕癢範圍大，包括一雙手臂同腰側部分，於是詢問中醫有無方法紓緩。中醫認為有關徵狀係俗稱「胎毒」所引致，建議嘗試食療，例如多食蘿蔔、白菜、冬瓜，甚至係用粟米鬚煲水飲，睇吓可唔可以紓緩咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
