政情：叫錯蘇長榮副主席 郭偉强會上尷尬到極

其實蘇長榮原先係執掌該事務委員會嘅副主席，不過經過協調，已改為黎棟國擔任。而聽到自己被錯叫做「副主席」嘅蘇長榮先係一愣，跟住就自嘲話「主席你搞錯咗啦，我已經被你辭咗職啦。主席你唔記得咩？」恍然大悟嘅郭偉强勉強咁擠出笑容，指自己對蘇長榮嘅印象好深刻咁話。

而當議員黎棟國發言時，郭偉强好謹慎咁話「請黎棟國副主席發言」，雖然小心翼翼，但仍難掩其一臉窘態。