政情：林筱魯康復落場幫拖 立會照輸波

落場？係踢波呀！咪就係立法會議員對政府嗰場友誼賽囉！林筱魯話掛靴20幾年，當日落場踢咗了20分鐘，佢話以結果為目標，結果證明整體動能仲好好，但佢覺得仲有提升嘅空間。但嗰場嘅結果係15年嚟立法會首次輸波。

其實之前都有幾個議員確診，葛珮帆（EQ）確診11日，前日先轉番一條線，而尋日就復工嘞！幫EQ遙距診症嘅黨友、本業係中醫師嘅議員陳永光，都話同新冠病毒抗爭5日，前日亦轉為一條線，即係康復。佢話喺過去5日，喺屋企自我隔離同用中藥治療。