政情：巡東鐵綫閘門工程 劉國勳冀早完成

劉國勳話港鐵今個月起會陸續安裝自動月台閘門，首先會為馬場站同大埔墟站安裝，之後嘅落馬洲、上水、沙田同大圍站就會喺明年起陸續展開。另外，為咗確保工程期間港鐵運作嘅安全系數，粉嶺站同羅湖站就要等上水站同落馬洲站幕門工程完成後先可以進行咁話。

佢又話港鐵為咗唔影響列車服務，工程就安排喺夜晚進行，估計每個月台的閘門安裝工程平均大約需要3至6個月才能完成，所有自動月台閘門安裝工程大約2025年底完成。劉國勳期望工程可以保障乘客安全之外，都避免再因為有人闖入路軌而影響列車服務咁話啦！